subota, 21. septembar 2019.

Kruševac
subota
Bez padavina.
Bez padavina.
3°C
Trenutni pritisak: 1030 mb
Vlažnost: 85%
Brzina vetra: 0 m/s S
 

Mlo komšija o Rom: Majšukar veselinamen kad jlo o Đurđevdan

Mlo komšija o Rom: Majšukar veselinamen kad jlo o Đurđevdan

Kad jlo o Đurđevdan,vakeren,majšukar jlo ano kruševačko naselje Marko Orlović,jer sare slavinen.I adava ki tradicija trin dive.Andaro kera thaj o avlije ašunelpe o vakeripe thaj i muzika,a svako andaro kher sile so te kerel.O Đurđevdan pre označija o vreme kad o Roma kreninena sa ple čerge ko drom,a avdive jlo prazniko sa perdo simbolike.

O serijali realizuvinamo ano okviri o projekti ko onsov Konkursa za sufinansiranje proizvodnje o medijske sadržaija andaro oblast javnog informisanja ano 2018.breš tharo Ministarstvo kulture thaj informisanja Republike Srbije.

Pre o Đurđevdan označija o krajo tharo šudro vreme,o vreme za o Roma te sa ple čerge ponovo djan ko baro drom.

Avdive jlo prazniko tharo bahtalipe,perdo simbolike.

2

O luluđa za o plodnost thaj bijandipe.O pani te tovenpe o grehoja thaj nevo početko.I jag za o majlaće dive…

O sastipe,bahtalipe,napretko.Uvek veselje te avel,vakerelpe ano Marko Orlović.

Za o prazniko najviše raduvinenpe o čave.Ali i o bare manuša.Spreminelpe šukar ručko.

Spreminamen te slavinamo,pekamo e bakhren,keramo o torte,a keramo i laće bakhrane sarme.O Đurđevdan sare slavinamo,ov jlo amaro majbaro prazniko…Jedino so kvarinel mlo bahtalipe jlo kaj na pirav šukar,20.breš sima dijabetes…A za o kher treba domaćica,uvek uživijum te spreminav i slava,a akava breš mle čaja ka pomogninen mange.Ako,samo te o čave thaj o unukoja kedenpe ano kher-sar vakerel i meštanka i Zora.

I o običaija mora te poštuvinenpe…

O Devel dija amenge o Đurđevan,te prinesinamo sago žrtva adava umiljato stvorenje e bakhre.Adava jlo običaj još andaro o vreme tharo purano Rimo.Đi tad žrtvuvijepe o čave murša,a onda o Devel sažalijape ki amende,pa od tad ko Đurđevdan obavezno činenpe o bakhre-sar vakerel i Ljubinka Alić.

Akađukar  ko prazniko o domaćino zahvalinelpe e Devleske so arakljalen kad sina o šil,a posle okreninelpe o bakhro ano pravco o kham i deleske pani te pijel.Adava kerel te bi o bakhro leske oprostinela so ka avel čindo.Sar veruvinelpe i jetra tharo o bakhro savo čindo ko Đurđevdan sima magično moć.

A osim o bakhrano mas,specijaliteti ki praznično trpeza jle o bakhrane sarme save kerenpe sa i seckami iznutrica,pirinči,purum i šukar začininelpe.

Thari sa so si ki trpeza,čivelpe sa po harička i ano o tanjiri za o mule.Okola save jle ano žalost za ple mule na han o terno mas ni o terno voće thaj o povrće sa dok ko Đurđevdan na udelinen za ple mule.

Abut tharo o običaija jle iste,promeri ko pravoslavne Gadje,so samo dokažinel kaj jlo adava drevno pagansko prazniko proleća,savo tek posle,sa masovno pokrštavanje tharo akava deo Evrope,postanija hrišćansko dive Svetog Đorđa.

Tradicionalno jlo i adava te kitinenpe o kapije,ograde thaj o udara sa o vencija tharo lekovito bilje,so simbolizuvinel adava te arakelpe o sastipe thaj te lečinelpe o nasvalipe.

3

Ano svako kher si te vrtinelpe nešto ko ražnjo,si gozba,muzika,pipe.Avanen,amare slave našti te bistrenpe i nećete te žalinen-sar vakerel jek tharo o meštanija i vičinel Bahtalo o Đurđevdan.

4

I atmosfera jli uvek svečano,sar i dolikuvinel za akava prazniko.

Spreminamen celo o breš za akava prazniko.Akate jlo i o majstori savo već bičen e bakhre,a pripreme jle ano toko i đakeramo e gostija.Ki amende o prazniko trainel trin dive sar vakerel o Mile Miljković i dodainel sago i Ivkovo slava.Ko Đurđevdan tovamo amaro muj sa o lekovite čara.Prvo dive na đal niko ki nikaste,nane gostija,ali o ddujto thaj o trito dive sastaninamen sare familijarno.Ano običaj sperel o slavsko kolači,momeli,bakhre,te harička pijelpe…Simen i vencija,graboja za o sastipe,za bahtalipe…

5

O slavlje šaj te počninel…

Povezano